2010父親節活動

2010.06.20    今日係父親節，Church搞咗活動歌頌父親，好多小朋友都有帶daddy嚟，但係恩祈daddy尋晚話有啲唔舒服今朝想瞓晏啲，結果佢就錯過咗佢囡囡第一次的台上正式表演(之前試過幾次佢一係走咗去一係就全程低頭)。

恩祈真係成熟咗同大膽咗好多(佢一直都好怕人前表演，不枉我連番鼓勵，希望以後能維持落去)，Jasmine好take care佢，而佢有跟住唱仲唱得啱啲英文，當然冇隔離J.J.咁叻，但我已經好proud of her.初初佢係企最前唱，後來被John John迫咗佢去後面，不過佢個人係好冇所謂，一啲都唔介意。

跟住番去pre-schoolers間房，有手偶劇表演講Jesus故事好得意。

之後齊齊做手工送比daddy.

中午同daddy、婆婆去機場飲茶(除咗呢度我諗所有商場同酒樓都人山人海)，Church仲有一盒朱古力送比父親加上乖女餵的鴨掌，daddy應該甜在心頭！(今餐恩祈有份請，佢在錢箱中攞咗20蚊出嚟。)

然後又去咗打保齡球，雖然係細路仔size但個波都好重，恩祈淨係學咗姿勢冇實際，球球都落坑，十局有八局都比貪玩爸爸搶咗嚟玩。

結果都係玩呢隻虛擬保齡球易啲，但都係靠daddy出手相救至有啲成績，玩得好搞笑。

仲去埋睇模擬飛機駕駛艙至走，Happy Father's Day!