開心夏日@貝澳沙灘

2010.07.03    兩點幾至決定去海灘游水，一到車站就有巴士開，二十分鐘就到咗貝澳，三點都未夠，行落沙灘路經綠田原，仲見到牛牛食草。

好曬，但係又好好風。

呢兩張相好似我哋上次去沙巴的景色........wow!

daddy去游水先，我哋在樹蔭下玩吓休息吓。

一到五點，太陽伯伯開始收火，恩祈出動啦。

佢好似第一次肯自己落沙灘玩水，好興奮，仲叫啲浪花咪成日跟住佢。

黃昏時分，去咗充滿異國情調的海邊餐廳OOH LA LA.

大海景、大海風、青春少男少女(唔係我哋，係望落去放暑假個啲)，爽爽！

恩祈今日好開心呢！

退潮好多垃圾飄來(明顯是從港島飄過嚟)，可惜！