呢兩日好開心......昨日又訂到Air Asia平機票，去吉隆坡每程每位$45.再去埋浮羅交怡去程$6.6回程$0！加埋機場稅雜費三個人total$1260！超抵價！
而今日終於等到機場"4D超立體巨型影館"有Avatar"阿凡達"的早場公映(因為"愛麗斯夢遊仙境"上正場要讓位)，就可以送完恩祈番學後去機場睇0950am早場(麻煩婆婆接放學)。
呢度有全亞洲最大的4D螢幕，3D電影已非同凡嚮，4D再因應劇情而加上特別感官效果如風吹、水濺、霧、泡泡、香味等，睇戲時真係覺得好正好官能享受，但睇完出嚟又冇晒嘢咯，不過只係$75比起出面3D睇一次都百幾蚊又係好抵嘅。作為女性都係覺得Titanic最好睇最經典。
我都好耐冇影單人相咯，最開心係超過4年都冇同過老公二人世界拍拖睇戲，好珍貴的機會啊！我都應該放鬆吓自己過啲自己的生活，不過我係得個講字，幾麻煩都好，始終唔捨得賣甩恩祈，同個女一齊玩至係無比的快樂。
沒有留言:
張貼留言