探初生bb之悅晴的細佬佬

2009.03.24    今日同恩祈去探悅晴妹妹的初生細佬佬朗希，佢係2月21日出世，剛剛滿月咋。

一見到希希，佢雖然瞓緊但知道我哋嚟探佢都微微一笑呀！

呢個恩祈媽咪，抱住我係o甘笑......自己生番個啦！

我都想呀希希！好似你有工人姐姐凑又有家姐錫，我同恩祈講生個bb好唔好？佢斬釘截鐵話唔好，再講話生個細佬同妳玩，佢竟然話：掉咗個細佬落垃圾桶度！

恩祈望都唔望bb一眼，淨係同晴晴妹妹玩玩具，晴晴好鍾意恩祈架，第二日有人探佢見到唔係恩祈喊咗出嚟喎！遲啲9月做咗同學仔咪日日有得見咯！

希希媽咪就係bk傳說中的"東涌靚媽媽"啦！

恩祈話都係公仔bb好玩啲。

同場加影：晴晴媽咪屋企的微型食物擺設，so cute!I like it!

件三文魚刺身會自轉架！

仲有kitty、牛奶妹......爸爸就有好多車仔。點解人哋個飾櫃o甘大又o甘乾淨架？