bk0605復活節親子一日遊

2008.03.21 (fri)    bk0605啲mami & baby又有活動，包團去一日郊遊。十多位0605 bb加家人合共60人呢。本來預期本地團唔好玩，志在bb gathering，出乎意料地好好玩又好滿意，全是我們幸運：好天氣(舒適氣候)+好導遊(風趣)+好車(寬敞)+好食(加送燒烤食物好味又好飽)+好行程(大人bb都好開心)+好團友(好禮讓)........
早上第一個行程係"有機乳牛場"，在家已告訴恩祈今日會見牛牛，初時佢見到啲真牛牛好大隻有啲驚，因為屋企隻牛仔好細隻又彩色，玩咗一陣都鼓起勇氣用青草餵牛牛，而佢babi由於愛動物餵咗好耐玩得最開心呢！

恩祈同大佢一星期(5月8日生，同我結婚紀念日一樣呢！)的伍小b Kylie姐姐合照最多，因為伍小b樣貌標緻又愛笑望鏡頭，係媽咪最愛的小model

去錦田樂園前途經這個古樹樹屋，好啱影相仲好有柬埔寨的古樹廟feel

上面張相恩祈好似夾硬拖住Mya，下面係部份同年同月生bb合照

下午去到錦田鄉村俱樂部，好大好多嘢玩，首先同小豬嘜say hello先

跟著又去"小兔樂園"餵兔兔

仲有個好大的士多啤梨園摘有機士多啤梨，我哋冇摘，只係執地上被人摘下的士多啤梨影相，但恩祈在園內走來走去和看看已很開心。

又在敞大的草地上同伍小b玩飛碟，下面張相係佢兩個追飛碟時，明明伍小b跑得快啲可執起飛碟，但她見到怒氣沖沖的恩祈追上來仲黑面，即刻停下來讓恩祈執起還笑臉盈盈，真係一個善解人意的絕世好b，相比恩祈真係好小氣(似我？) 

最後同羊咩咩say goodbye！

臨走前同"翻版張智霖"Cody天天合照，Cody擺個"cute"姿勢真係殺死好多人！