美麗的下長沙海灘

2008.05.14    從東涌搭二十分鐘巴士就到了香港的世外桃源-----下長沙海灘。

婆婆拾的貝殼恩祈當寶貝，但爸爸拾起的蟹仔恩祈就大叫唔好唔好。

平日早上一個人都未有，啲沙好似粉般幼滑。

估下恩祈做乜？

係大叫：爸爸、爸爸呀！  要爸爸拖佢去玩水。

海灘好大浪，恩祈死都唔肯落海(不過我哋好衰照掟佢落海，佢喊住逃跑)，卻在旁邊有條流海水入來的水溝玩水，好污糟但佢鍾意。

我們就在海邊餐廳The Stoep 享用午餐，好有泰國布吉feel,而且是dogs friendly,我哋呢啲愛狗一族又有得同狗狗玩好happy！

駐店松鼠狗，剪到啲毛似lion，恩祈都叫佢"獅獅"！

睇背面估吓係乜狗？

答案係雪橇狗

開餐啦！上面係最出名的homemade bread----seedloaf，係真正最好味的loaf，其他主菜有恩祈至愛海鮮意粉，中間係我至愛Bobotie with yellow raisin rice,重有好多人推介的燒雞，但我為認為"鞋口"麻麻地，反而伴碟的薯蓉好正好creamy，沙律菜亦好fresh.

恩祈遇著鍾意食啲嘢就搶住自己食，睇吓佢食到成隻烏咀狗幾冇儀態，但係我覺得佢個樣好天真可愛啊！