新鄰居=新玩伴

2008.07.09
恩祈又有新朋友啦！就係新搬來的鄰居呀。
Jasmine新學年番香港讀小學啦，因此個多月前搬返東堤灣畔的大單位(望海景好正架)，而剛好又有一家四口從東堤搬過來，曾生曾太好好人架，有一個12歲的大女同3歲的細女，恩祈新玩伴當然就係細女阿瑜啦。

阿瑜雖然只大恩祈一歲，但係份量十足，差唔多係恩祈兩倍(40磅!)，勁！佢daddy好錫佢重驚佢營養唔夠，哈！佢都好醒好多嘢講又多主見，同Jasmine淡定少說話好唔同，好彩佢都肯聽我話同對恩祈好，佢屋企個客廳放滿好多好多玩具，好似成間clubhouse，所以恩祈日日食完午飯都自己著拖鞋要開門去隔離玩，而阿瑜就反而鍾意去我哋屋企玩，細路仔都係甘啦，人哋啲嘢好玩啲！
其實住對面的香生一家對我哋都很好，只係佢哋啲仔女好大個，不過大哥哥最錫恩祈，時常出外都帶些零食和玩具比佢，所以佢一聽到對面開門就急急去看是否大哥哥返來。我哋都好幸運，在這年代重好似以前住屋邨同啲鄰居關係好，我相信依家好少好難得啦！
香生香太抱住當年四個半月大的bb恩祈，著緊個套衫褲仔都係佢哋送架！