恩祈第一次做model行catwalk

2008.08.02(sat)    今日恩祈第一次做model呀！同鈞澄去咗西九龍中心蘋果商場行咗場超小型catwalk.
媽咪知道要行catwalk好擔心我到時失場，又同我係屋企練習定义腰、揮手say hello行貓步，妳估依家去又一城行show咩！係西九龍咋。個場好細，表演台好似同鈞澄屋企套梳化差唔多大咋，再加上一去到我哋每人一對公主高踭鞋，著住不知幾開心又好玩呢，而且好casuel我都表現得幾輕鬆自然。

在後台準備出場，我著咗粉紅色公主裙，重有羽毛皇冠頭飾、天使翼、手袋同權仗呢。鈞澄就一身純白高貴打扮。

先在商場行來行去warm up.

澄澄好高貴又sexy成個小小劉嘉玲

由我上台先啦！難得肯企定定比大家影相，快啲影啦，手快有手慢無，我又四周圍行o架啦！

婆婆同姑姐都來捧場為我打氣！

開show啦！有片睇但係好多路人。

同鈞澄妹妹一齊行show片段，留意吓個主持姐姐都好靚女

澄澄個性敏感又怕生，初時都有啲怯場，後來我哋一齊"的的答答"o甘行上行落好好玩至冇o甘驚。

第一場行咗十五分鐘左右，我哋又去咗換衫，我換咗套紫色仙女衫，想同澄澄換對紫色高踭鞋襯番，佢唔制喎，原來啲model真係有爭靚衫靚鞋o架，haha！好在粉紅色都襯得效果唔錯。

我哋每次出場都由呢位靚姐姐model帶住我哋行，佢都係得15歲咋但係生得好高好瘦呀，第時我有o甘高就好啦......係啦，成個show就係由我哋三個行晒，幾威呀，好多人同我哋三個靚女影相呢！

又落台搞搞震真係唔夠pro.

我哋始終都只係得兩歲嘅bb,換咗第二套衫後有啲疲態，狀態冇之前好，澄澄初時重攬住媽咪唔放，後來都肯上台被人影相，佢企得好定同肯望鏡頭，唔似我越叫越走。

第二場show行咗五分鐘咋，見我哋已經唔多合作就唔駛再換第三套衫，完show啦！換番便服我又係後台同人玩，行咗20分鐘catwalk我同澄澄就每人賺咗$500蚊啦，婆婆話啲錢好易賺呀......haha！我都係第一次賺$$咋！明天8月3號係daddy生日，我2歲就可以做孝順女請daddy食飯啦......表演完啲姐姐話可以送啲衫同鞋比我哋，媽咪掛住執衫重跌咗啲行show錢，比鈞澄媽咪笑。

之後鈞澄daddy至到，請咗我哋去tea. Thank you uncle David！

媽咪抱住呢個係勁得意嘅聶小b,佢8個月大20磅重媽咪最鍾意佢對"米芝蓮脾"，就係佢個靚媽咪介紹我哋行catwalk.多謝晒！下次記得再搵我哋，好好玩呀！