捐血後又去團年

2010.02.12    趁恩祈去兒童無限上堂，走去旺角捐血站捐血，以前我係定期捐血者，但有咗恩祈咁多年都冇時間，一早plan好今日一定要去捐，加上前一日又睇到報紙話屬猴今年有意外最好去捐血或洗牙化解吓，啱晒！真係善有善報。上面個Dorami公仔隔離個十字水晶座就係紅十字會送比捐血者嘅，時近新年同情人節仲有一包福袋糖果，放學後送比恩祈乖女，今次好好彩冇乜人捐血但接放學都遲咗幾分鐘，雖然Miss Helen聽到話捐血就猛讚好但我都唔係幾好意思，下次都唔敢啦。

之後搭港鐵去葵芳等埋daddy放工上舅父度食團年飯，商場有招財貓同戀之橋，恩祈手上就係福袋啦，淨係食咗一小片朱古力同馬仔，其他糖佢又自動送咗比表哥，施比受更有福。

魚蝦蟹靚湯，餸都未齊又先試食，大食王父女幾happy呀！都係屋企飯最好。