飛行服務隊開放日

2009.11.08    今日係飛行服務隊開放日，我哋連church都冇去，一早就去搭特別巴士X52到總部，平時禁區外人禁入，因此今次係大好機會，尤其係影飛機的發燒友更大批的佔好位置作近攝，成個東涌多人到陸沉，好似全日有三萬人進場，我哋持有最早的十點至十二點票，只係排咗半個鐘頭入內我覺得已經好快啦。

好興奮呀！

首先要每人填表及配戴黃色的臨時禁區証，就可周圍參觀。好在今日多雲，唔係實曬死啦，見我哋都要戴sunglasses就知紫外線幾犀利，爸爸平時在機場走來走去工作一定都好辛苦啦！

早去唔算太多人，可以好好的同直升機影靚相。

GFS的多款救人直升機

我部標準鏡相機都影到飛機相，有長鏡就仲好好多。近距離拍攝真係好震撼，連爸爸都話佢唔可以揸車揸到呢個area(近Heaco的飛機起落點)。香港機場三兩分鐘就有架飛機升降，真Busy!

啲機係飛緊唔易影架，好似架CX就影得前咗啲啦。

我影咗幾架飛機就比啲長鏡頭迫走啦。去咗睇警犬隊同安全服務隊等的表演，望番轉頭有架CX cargo機就在影相區旁邊慢駛，唔知係咪表演節目之一。剛巧我企得遠咗可以影晒全隻機，o甘近睇到隻機行緊真係好壯觀！

在大空地奔跑恩祈好開心！

倉庫內仲有政府部門同其他團體的展覽和攤位。

恩祈唔敢掂個假人

攀山救人用具

CX攤位

直升機低飛花式表演

剛巧又遇上示範救山火表演，節目真豐富。

臨走每人有個GFS磁石貼送，我見人哋仲有扇送。跟住番東涌飲茶，恩祈話玩到好肚餓呢！