魚媽東涌慶生辰

2009.11.06  今日魚媽Lousia生日，在東涌的酒店食助餐，之前就同魚魚來探恩祈，我都有將珍藏的叮噹公仔連叮噹紙袋送俾呢位叮噹迷阿太。
我哋去咗360食tea.貪嗰度有大花園同空間比小朋友玩。恩祈的駕駛技術已爐火純青，達致人車合一的階段，佢由bb時踏單車已好快上手，對車佢係有啲天份架。

見恩祈在迷宮片車夠勁夠恨，魚媽又要大顯身手，但係大人坐細路車行兩行對腳就好攰.....魚魚雖然未識講嘢，但係指手劃腳叫我哋快啲追姐姐就好搞笑。

跟住嚟咗我屋企玩玩具。恩祈乘機話要著Belle裙比魚魚妹妹睇(我平時唔比佢著睇都唔比睇費事佢忍唔住)，魚魚仲細就真係冇興趣，反而魚媽就猛同佢影相，佢一著起條公主裙就成個斯文晒，連大笑都唔敢呢！