東堤係最早同最常去的一個，因為有兩個兒童會所，加上有大量玩具，室外遊樂場又有bb最鍾意的圍兜韆鞦，而且係最近最方便，所以係恩祈最愛留連的。
海堤個會所同泳池好靚，望海景一流，可惜兒童會所只有一個比較啱大細路玩的"潛水艇"，唔多啱恩祈bb玩。
藍天個泳池重靚啲，室外園林同遊樂場好大，反而室內只有一個好細的兒童區，不過就有恩祈玩到唔想走的"波波池"。
而最遠(由我家要行20分鐘)卻又是我最心儀的，就係映灣園.....真係唔講得笑，個會所有成60萬呎！行到我腳軟，重要好靚好靚.....有四個泳池，其中一個係"加勒比"海灘，真係成個沙灘呀！個clubhouse成間酒店甘款，仲有個bar枱飲嘢，又有保齡球館，個kids club...嘩！好巨型呀！多新款玩具不特止，裡面居然有個比細路玩的全天候兒童賽車場(電動個隻)仲有恩祈係都要玩的滑草場，過多幾年先啦甘斜甘危險。
係要剷架玩具車上滑草場個忟樣！
映灣園個會所大堂幾美侖美奐.......Yankie隔離係大佢三個月嘅好朋友Sophia
沒有留言:
張貼留言