初吻.....俾咗契哥

2007.08.26    恩祈好耐無見契媽Anne(成日出trip公幹)我又好耐無見契女Cheri同契仔Anson，今日就去咗佢哋美孚的大宅玩，恩祈立即好似自己屋企坐在畫板前玩，又差點摔死Anson隻甲蟲，好百厭！

之後送咗Cheri去葵芳劇院學芭蕾舞，我哋同Anson就上咗去新都會個playground玩咗一陣，接番Cheri之後我哋兩個契媽諗住想試下食"湘川滬"，點知兩個小朋友激烈反對，就去咗劇院旁的西餐廳食，幾好食但環境浪漫唔係幾適合細路，契哥契姐搶住餵契妹食babyfood，好似餵公仔搞到恩祈食唔切，食完後恩祈攬住契哥玩又狂吻，Cheri話見到佢錫到Anson個咀，吓？我話兩個嘅"初吻"無咗啦！兩姊弟望住我問：初吻？Anne凌厲的眼神望住我......我又係細路仔面前講咗唔應該講的說話啦！
恩祈連環狂吻契哥圖

我個寶貝契女Cheri