番新工啦！

2011.09.29
番新工兩日，就遇上八號風球休息！

無做嘢咁耐，幸運地找到這份番五日放公眾假又不用輪班的工作，而且工作簡易(不過要好細心對好多文件)，薪高糧準.....最重要是同事友善融洽，無辦公室政治、無爭名逐利、毋須擦鞋睇面色，卻又會努力工作氣氛良好，原因是....整項工作都只是為Haeco(香港飛機工程有限公司)做的一個Project.到明年四月尾合約完結也就是分手之時，沒有人會留低，多理想啊！明年五月就可以同恩祈過生日又可一齊放暑假去玩.......我的僱主是DHL敦豪物流，職位是Operations Assistant........新聞報導完畢！

2011.11.12

返咗工個幾月了，簡述吓工作情况。我現在是在機場維修區的香港飛機工程公司(即係Haeco)番工，不過請我的公司係DHL Supply Chain(DHL物流)，初時我以為係幫Haeco做project.原來唔算係，件事比較複雜.......事緣自一間飛機零件公司A.I.在年初時執咗笠，咁清盤公司接手要賣掉它的資產。而飛機零件唔同普通物件話賣就賣，每一粒精細零件都要有Cert証明其出處(唔係架飛機有問題就大件事)，因此請咗DHL幫佢搞掂所有程序寄埋啲貨走，咁冇cert的零件就要留番比Haeco買晒佢，而文件同零件都存於Haeco內，而我就在成千上萬都唔止的文件內逐張找出然後又要核對幾次。因此，原來我的成萬蚊人工同多假期的福利都係間清盤公司offer的。

有機會在Hangar見到維修飛機同咁近距離望到飛機(同個飛機頭簡直係面對面水平)真係難得同難忘的機會！就算以前做過旅行社同飛機餐公司咁多年，接觸過咁多飛機都覺震撼！

在canteen食飯好抵，蒸飯$17叉燒飯都係$18.5仲送湯，加$2仲有杯咖啡，如果大家樂都係咁嘅價錢就好咯。

班同事好nice又好搞笑，工作忙都係開心的。( office係借Haeco的一個地方，處理後面的文件同入電腦)。

而家庭方面都配合得很好，老公會買餸番來等我煮飯，有時佢仲會煮埋，掃地洗碗平日都係佢搞掂，就到時間仲會接送個女番放學呢(否則就由婆婆接送)，我幾幸福呀！
恩祈升上K.3後開始番全日班，又被選上學校舞蹈組(每日都要練個幾鐘)同今年抽中"小蜜蜂"，加上一連串的興趣班又開鑼，佢都變得非常之忙碌，不過聲明多一次我並非怪獸家長呀！全部都只係玩同體能上的活動，從冇中英數催谷個啲班，佢唔多識串字，上小學先算啦。


恩祈無端端做咗聖公會季刋的封面，張相我都唔知佢幾時影的。