禮物月

2011.12.31

恩祈祝大家已有一個完美的聖誕節。

今年的X'mas實在是最惡劣和糟透了的一個X'mas.首先之前一個星期媽媽在家暈倒，幸好好快醒番，入院大檢查亦無大礙。跟住恩祈由24/12病足六日(未試過咁病)，一直維持低燒，最慘係咁多日都係冇精神加冇食慾，加上我哋係行"順勢療法"唔可以食西藥對衡，因此心裡都異常地擔心，最後睇政府醫生check 過係流行性感冒，才安心些，不過那幾支退燒水同藥水也只是作裝飾。恩祈終於靠自己戰睇了病菌，雖然過程比較漫長和辛苦，但深信她的抵抗力會更進一步，也感謝主的憐憫，讓她重拾活力和健康。另外平安夜三哥趁我哋病又上門搞事，真係家門不幸！最後都要叫警察到場才請到他走，我一定會保衛我的家人的。



都係講啲開心嘢(我始終係樂天派嘛!) ....今個月特別多禮物......

月頭我有這部Sakura Pink靚靚手機，Sony仲加送有日本品牌Collect Point的頸巾和毛毛手機繩做聖誕禮物，而用咗兩個月的HTC Desire S就送咗比老公。

 

恩祈的聖誕禮物係自選的玩具收銀機(東文伯伯比咗一百蚊)。

 

下圖左至右：恩祈帶病到教會(本來佢綵排了成個月要扮天使)得到的兩份禮物，我買比自己的禮物，公司同事交換的禮物(本來抽到I-Phone Speaker但我冇I-Phone就交換咗個啱用的風筒)，最後係送比婆婆的禮物(德國製的暖水袋，老人家怕凍啱晒！)另外老公我就送了跑步鞋(他最愛跑步)和鬚刨比佢呢。

講到最好玩的禮物，都係之前買的一盒"森林家族"傢俱，啲傢俱好細緻好得意，我同恩祈都愛不惜手。加埋在北海道買的個set大屋，真係正到痺呀！

個雪櫃最精緻，好鍾意呀！

么

我哋兩母女就扮番呢兩母女。



最後，就是恩祈送給我們的咭，這是我收到過最窩心的禮物，恩祈見到我收到時非感動的樣子，她也開心到不得了呢！
2012年，我一定會更加愛我的家人，和盡情吃喝玩樂！Happy New Year!!