參觀小學

當人人都在煩惱選邊間小學時，我仍只想着同個囡去邊度玩，真係罪過罪過。
九月的節目有好多係參觀小學，我都係當同恩祈去玩。

2011.09.10    約咗鄭梓浠去睇東涌天主教學校，最近恩祈又變咗心，話梓浠係佢最好朋友(上年都係同班但提都冇提過)。

而我主要任務係同浠浠個靚仔細佬玩......佢得兩個月大咋，點解可以坐得咁直，bb唔係要四個月大至抬頭咩？佢條頸好硬淨呀。

2011.09.11    今朝同恩祈第一次正式番聖公會榮光堂的主日學，佢同鈞澄都o.k.始終聽中文比較明白，呢度又唔算太悶，佢話都鍾意呢度但當然係English Church好玩啲，咁我哋間中都可以番去英文教會探吓朋友仔同teacher的。

之後就去青松候寶垣小學的開放日，真係見番英文教會的朋友---Jasmine同Athena姐姐，Athena就係呢度讀五年級，下年恩祈應該會做佢師妹呢！(由恩祈出世就諗定咗呢間小學。最緊要近(落樓行5min)同校風好。而且佢資源充足係東涌最好架啦 :)

整手工時間。

完成！

3D照片。

恩祈最喜歡這間playroom.

Jason妹妹彤彤都係呀！恩祈跟住再落操場食爆谷同跳彈床，佢話好鍾意青松呢！