寶安商會溫浩根小學"小學學習初體驗"

2011.09.17 今朝去咗樓下寶安商會溫浩根小學的"小學學習初體驗"。

又估唔到幾好玩喎，上英文堂E-learning用I-Pad教，之後仲每人一部I-Pad畫畫。

老師雖是華人但英文好鬼妹呀，仲教得好生動。

小息又任飲任食(我同恩祈講明真係番小學冇任飲任食的唔好誤會)。

跟住上手指畫班，又係好好玩，老師同助教都教得好活潑生鬼的。

個個都好開心 :)

小朋友的作品都放在畫架上待乾。

再小息後上數碼鋼琴堂。

老師教彈黑鍵先，話容易啲比小朋友感興趣。

可能同鋼琴唔同恩祈初時有啲亂，但好快就掌握到，並話好好玩，咁我哋即場報名埋下月的四堂課程，費用四十元無缺席的話會退款的。

教授的何老師滿頭大汗好落力，我覺得呢間學校的老師對學生好有愛心，更添好感，雖然收生率偏低卻很有熱誠，會是我的第二選擇。