成日落雨的日子

(2009.03.06)
最近成日落雨，只要中午冇落都會去遊樂場玩吓，但係就好少出遠街啦，留在家裡的日子就係玩吓玩具，例如同個公仔玩沖涼涼。

仲有套A貨Barbie,恩祈好鍾意同佢傾計架......話時話個A貨比我珍藏個絕版正貨仲更加樣靚身材好喎。

動方面就會跳吓舞玩吓bb瑜珈,仲有成日都玩單車，仲要係極速轉彎玩技術個隻，我個廳中間夠大夠吉足夠比佢係屋企練得一手好車！

個收銀機係隔離曾太準備掉嘅玩具垃圾，比婆婆睇到要咗番嚟，爸爸入咗電之後會計數同有好得意發聲，仲要係識講日文"歡迎"同"多謝"，好玩架！
真係好無聊嘅時候，恩祈又攞啲衫夾話幫我整靚個頭，出街o甘嘅樣真係太in啦。