恩祈最愛自助餐

2009.01.14    今日去咗尖東的海景嘉福酒店(即係以前海景假日)食自助餐，因為我有兩張簽visa積分所換 的lunch buffet coupon.恩祈最愛食自助餐，之前同佢提過，前日佢就提番我打電話訂位呢！

我似唔似Dora呀？

嘢食唔太多款不過每樣都好美味......恩祈個人食咗意粉、烏冬、燒雞、魚、少少牛肉、點心、南瓜湯等等，仲有西瓜同最美味的蛋糕、甜品杯同最鍾意嘅三色雪糕呀！真犀利，不枉係"大食王二號"。

好吸引的甜品杯陣呀！

食完之後佢話好飽好飽，佢條裙由原本鬆鬆哋變到好緊好緊呀！下面幅畫係中場休息時同daddy畫嘅，對手係恩祈放隻手落張紙自畫嘅，個頭係daddy照佢今日造型所畫，都幾好笑！佢哋玩得好happy呢！

食完後慢慢行去海旁同海港城，當然又去咗反斗城，恩祈成日都話要去"日本城"其實就係反斗城。