東涌行山篇

2009.01.15    恩祈兩歲八個月大了，今日就在東涌行個小山，就係東堤灣畔對面，我哋行山越行越低難度，呢個簡直係冇難度，只係上樓梯落樓梯。

行一陣就上到山頂觀景亭，有360吊車做背景。

落山仲easy,真係舒服又可吸fresh air,又在屋企斜對面，真係啱晒懶惰的我！

唔駛半個鐘行完，落去就係馬灣涌碼頭，又要每人同恩祈合照一張。

有天然生曬臘肉同有人捉上岸的蟹仔，恩祈都覺得好有趣！

行前去馬灣涌村

爸爸話前面就係逸東邨啦

好有漁村風味......連行山遊玩只係一個鐘就到咗逸東，去食lunch咯！