親子樂悠遊一天團之香薰園

2009.02.07    今日參加咗聖公會辦的親子樂悠遊一天團，其實係比低收入人士參加只係收$20,我見佢話去一個教育片場好似好得意好吸引，我就膽粗粗留個名，果然比我哋參加仲話改咗係免費，我諗我老公一個人賺錢除開養四個名副其實低收入啦。
第一個行程去粉嶺香薰園，唔知而家係咪薰衣草季節，啲薰衣草好靚呀，而且地方好大都好多嘢睇我覺得幾好玩呀。

呢度真係扮得吓似北海道富良野，尤其影近鏡沙龍相，我只係支普通鏡都影得恩祈好靚，啲相多到好似成本寫真集.......而恩祈在一片紫色花田間都奔跑得好興奮。

除咗薰衣草仲有好多其他品種花草，又有市集、小型遊樂場、草地、餵錦鯉同勁臭的羊仔，可以想像恩祈玩得幾開心。

玩完之後去咗元朗，每人派30元麥當勞餐券，即係我哋有90元，我哋冇食麥記去咗地道茶餐廳食到食唔落都係50蚊咋，平過同好食過東涌好多......之後再出發去教育片場，嗰度好多場景又影咗好多相，待續......