親子樂悠遊一天團之香港超域教育片場

2009.02.07    食完午飯後就去元朗屏山的香港超域教育片場，係一間片場學校，借比學校拍攝同租比人拍廣告，以前係一間學校地方不算大，但有齊銀行、便利店、報案室、醫院、住宅、茶餐廳、髮型屋等的場景。

片場總監係"大力"李力持，初時恩祈唔肯同陌生人影相，我同佢講："呢位係導演，你過去同佢影相可能會叫你拍戲。"佢就即刻走去同人影相，哈！

旺角街景像真度高，條唐樓樓梯係幅佈景畫，唔係恩祈作勢想爬都睇唔出係假嘅。

後巷佈景都好似

又係恩祈搞到"穿崩"

係茶餐廳同水吧搞搞震。

在醫院扮完醫生扮病人幾好玩，間醫院有四張病床架。

報案室又扮警司。

第一次去salon扮洗頭好好玩。

回程番東涌時仲有抽獎，恩祈抽到一袋文具，婆婆仲抽到大獎----金莎朱古力一盒，另外每個家庭仲送一袋八包紫菜動物餅，真係又玩又食又拎。