產後第一次出糧

呢張支票(50元美元轉換番港幣)嘅支票，係我上年得閒係屋企做咗大約十幾份網上問卷的報酬(唔知點樣至儲夠1000分兌換)，雖然得啖笑，仲少過收每季股息，但都係我產後第一次出糧，幾得意呀，又儲起佢........儲錢係我的最大樂趣。

有時心思思都想番工，但係見到個女又唔捨得咯......
昨晚臨瞓前佢同我講：媽咪我知妳做嘢好辛苦，又要煮飯、又要做家務、又要同我玩，我大嗰啲會幫番妳。
我梗係感動啦，我話妳唔駛幫我啦，妳只要聽話同而家專心學習知識，識多啲嘢好叻個人又好開心。我唔敢話比心機讀書，費事佢有壓力同抗拒嘛。
跟住我又心諗，其實我做家務都唔辛苦，如果佢大啲我可以番工佢就幫我照顧婆婆就得啦......如果係又幾好喎，生個女照顧我阿媽，佢會有責任心又可幫我孝順我阿媽......繼續發夢。