情人節節目之酒店拍禮服照

我最討厭情人節，完全消費主義好多餘，除咗拍拖後第一個情人節有同老公去酒店食飯同收咗紥$800元的花(我老公年年講好煩)，11年好似都冇乜理過呢個節日，不過今年我見汀九的帝景酒店搞咗個"浪漫五重奏半自助晚餐"，佢話包括愛的宣言、禮服拍照、美好回憶證書等都幾搞鬼，就俾個驚喜老公啦。

2009.02.13    由於早一晚有八折，加上老公番早更14/2又放假，因此早一日慶祝，到咗酒店首先安排入房間揀衫換衫，啲衫係新天地婚紗提供嘅，本來我想著褂因為我當年係旅行結婚冇擺酒未著過，但後來我見到吊帶晚裝好靚(我都未著過)，加上我唔知第時會唔會變番肥都係著咗先(著褂肥啲仲好睇)，著上身條裙除咗腰間闊咗啲(好happy)之外都好啱身，我老公套西裝同褲簡直好似係度身定做好fit開心到佢呀！係o甘照鏡。

我將恩祈都扮成Hello Kitty 小公主模樣，在房內都影番夠本。

員工幫我戴上皇冠頭飾就帶我哋上酒店泳池影相啦！其實恩祈先至係我個小情人呀，佢仲話媽咪係大公主佢係小公主喎！my sweeyheart!

唔包髮型化粧，我今日未洗頭只係搽咗啲眼影粉同唇膏係差咗啲，不過家庭照都好溫馨呀......恩祈揸住張相就係酒店送嘅即影即有相，但係我哋居然唔見咗。

覺得自己好有型嘅老公

到泳池邊又影多幾張

王子與小公主

"媽咪影夠啦快啲換番衫落去食嘢啦！"  情人節套餐篇待續......