情人節節目之浪漫五重奏半自助晚餐

影完晚裝相我哋就落二樓帝景軒食半自助晚餐，聽講呢度啲buffet評價好差，有定心理準備唔好食，點知又幾o.k.喎，可能情人節套餐貴啲好味啲啦，而且雖然好忙但係服務好好同有禮貌，連加一小費唔駛一千蚊都好抵食抵玩。

心型咀恩祈

啲嘢食大部份都係心型架

三文魚玫瑰就唔多似

最鍾意見到佢兩父女開懐大食個樣，令人覺得好滿足。

頭盤、甜品同飲品係自助形式，而主菜我揀咗上面的扒安格斯牛柳伴鵝肝配黑菌肉汁，恩祈好鍾意食啲牛柳呢！而老公就揀香燒龍蝦拼蒜香扇貝，龍蝦好鮮味good!

恩祈最愛的雪糕，有好多款揀。

隔離枱有個西裝友bb

一場邂逅，一次偶遇......

小王子小公主好襯呀！

我哋九點就走啦，相信都係最早離開，因為仲有好多pair未影相，仲有情人節禮物收---男仕香水辦同女仕skin care kit.唔知係咪早走定佢哋忙到團團轉，冇咗愛的宣言同情侶證書，我老公幾擔心要講愛的宣言好在唔駛......不過我同恩祈一直都錫到啜啜聲一定係全場之最啦！

食完又係酒店的浪漫花花椅上影相，如果下年再搞我都想再嚟，不過下年情人節好似係年初一，咪真係要中式嘅扮相至襯。

我同老公都各自揀咗一對鞋做自己情人節禮物，結咗婚幾現實同唔浪漫呀！我買鞋間鞋舖仲送咗支毛巾玫瑰花比恩祈，靚唔靚呀！