食完lunch後我去咗赤柱大街掃貨，佢哋就去海傍吹吓海風食吓雪糕......一個小時大收穫，以下係部份囡囡的戰利品，有Dora、Disney、Gap、Next、guess、Gymboree等全部正牌貨，大部份都只係$39,最貴就只有上面條H&M slim cut jeans.要瘦腳女仔至著得，低腰好型女著咗成個琦琦o甘fit.都只係$79.~~檔主話因為條褲釘錯咗D&G鈕所以成批貨唔要得，我自己都買咗條印度style的吊帶沙灘裙只係百零蚊咋！
一大袋衫恩祈逐件睇，一見到呢條橙黃色Gap裙就雙眼發光話好靚要即刻著上身。
拜完天后廟同赤柱廣場追bubbles之後，恩祈個同我同年的大表哥，由杭州來港傾生意，順道探婆婆&請我哋食飯，到旺角佢話去小肥羊食火煱。
個侍應推介四人"抵食"套餐，嘩！要$1200幾蚊，我話有冇搞錯o甘貴，佢話呢度食嘢係o甘價錢，散叫仲貴，我個侄話小肥羊係大陸著名品牌冇所謂啦，我唔信就自己散叫，就係眼見o甘多嘢仲有碟羊肉，埋單都成$900幾，我侄仔話真係差唔多，我話唔係連加一都平咗成四、五百蚊，有乜好食環境唔靚又要自己搞o甘辛苦，仲要係MK.真係隻掠水死肥羊，平日都full house真係唔明。
沒有留言:
張貼留言