(2009.05.08)
九年前五月八日我嫁咗比老公，我哋就好似阿姐同家英哥，一個霸道一個軟皮蛇，天衣無縫，冇佢我諗我都嫁唔出or已經離咗婚咯！雖然佢唔識氹我又唔會有驚喜比我(通常都只係我比佢)，但係我己經好滿足，無論人同錢方面佢都比到我極大安全感，而且佢好就我，話乜都得，好似下面張相，係最好証明，當時係1998年在東京的Hello Kitty Land.我嗰時係Kitty的super fans.佢肯陪我去個啱幼稚園生去的低b樂園玩，我仲話要影扮Hello Kiity的相，但後來又見到My Melody條裙可愛啲(當時都成三十歲人)，就叫佢扮Hello Kitty啦，堂堂大男人著成o甘都得(睇吓佢個樣幾無奈)，我真係好鍾意佢呀佢好cute呀！
我哋一年至帶一次的結婚戒指，刻有"2000"字樣。
恩祈話送個心心比我哋，但係佢整到似鑽石多過心形。
今日我安排咗去半島的露台餐廳The Verandah食飯，因為我係在半島出嫁的，而且半島只有呢間同瑞士餐廳Chesa(要3歲至入得)未試過......恩祈叫我帶佢去，我話我哋結婚紀念想二人世界，佢居然話o甘我哋三個結婚啦！(仲話要著bb婚紗喎)
英國殖民地時代的佈置，81年的歷史仲有生綉痕跡的吊扇在轉，加上坐窗口位有陽光射進來，我哋hea足三個鐘。
我哋係食semi-buffet.先來軟綿綿的一籃麵包，再飲個soup先。
洗完手再巡視吓甜品檯同頭盤檯。
頭盤好豐富，大蝦同帶子又大隻又新鮮，沙律都唔錯......恩祈最like依然係壽司啲飯同沙律啲汁，口味真特別。
main course揀咗大蝦酥皮撻同焗石班魚柳，魚好滑蝦好鮮，份量都大，正！
酒店的甜蜜安排，亦即係我預先安排的。係啦，老公都係去到尖沙咀至知去呢度食，佢真係好幸福呀！
昔日的二人世界變成更sweet的三人世界。
Kid's menu後面就係畫紙，紅色雲下的green colour不是劃錯，恩祈話係閃電。
order咗Rose tea同 Peninsula brand tea.並奉上一客法式小甜點。
最精彩的甜品同雪糕作尾聲，恩祈話啲雪糕凍到佢打冷震。
食完去咗新開的H&M shopping,啲大肚衫同初生bb衫真係靚到我有衝動生多個(因為我嗰時冇靚大肚衫同自己湊bb冇時間買new born衫甚至襪比恩祈著搞到佢成日淨係著住件底衫).......之後去咗九龍公園玩吓消化吓。
恩祈在遊樂場識咗呢個姐姐一齊玩"買賣嘢"好開心。
沒有留言:
張貼留言