最近"豬流感"盛行，變得少出街，連附近商場都好少去，最多係去公園玩。
好在東涌冇嘢好，最多就係偌大的公園，可以呼吸吓像郊外的新鮮空氣，同鮮花競艷影吓相，仲有觀察吓辛勤的蜜蜂採花蜜。
我哋呢排多數去360樓下個公園，貪佢因為偏遠少少(我屋企行去10分鐘腳程)因此人流極少，而且有間環境優美的餐廳食嘢，仲提供呢啲車仔比小朋友玩(仲遇見周鈞澄啊)，恩祈次次都要坐紅色車仔，除咗單車揸得勁之外，佢揸呢隻車仔手車都好辣，揸得好之餘偷位又叻，新一代bb車神。
講番"豬流感"，因為新聞講得多恩祈都好敏感，瞓瞓吓覺又話未洗手要起身去洗，平時最鍾意襟 lift 嘅佢依家推去都唔肯掂，話封住咗(膠紙面)小朋友唔可以摸，仲同我話想用粉紅色口罩......佢真係天生危機感好重同好小心，我真係好慶幸不用太費心呢方面。
當春天花兒盛放時卻是流感高峰期的開始。
呢間360餐廳室外部份好舒服，又可望到纜車景，日落又有黃昏美景，食嘢仲有啲resort酒店早餐feel.大人睇報紙又可望到小朋友玩揸車，好爽！我哋呢排的最愛消閒地。
冇得行商場，恩祈在商場前的噴水池都玩都好開心。
沒有留言:
張貼留言