天氣好熱，最佳消暑活動當然係swimming,swimming,swimming啦！今日四點半約咗恒恒哥哥去游水，佢一見到我就大叫"祈祈、祈祈"！佢好心急去泳池呀，因為佢同我一樣好鐘意游水......係玩水至真！佢帶咗我去佢所住嘅海堤灣畔會所泳池，唔算好大但設計好靚，而且對住海同山重望到飛機升降呢！個bb池可以玩我最鍾意嘅倒水水，重有個兒童嬉水池有可以坐在它口中又識射水的大魚，同識灑水點的大樹，我同媽咪話好似落雨好好玩，玩咗兩個鐘番到屋企好肚餓即刻食咗一大碗飯，夜晚重攰到自己上床瞓到第二朝九點幾，成十一個鐘都未試過o甘好瞓呀！
沒有留言:
張貼留言