映灣園二期分兒童池同大人池兩邊，呢度只係兒童池的一部份，有個大滑梯恩祈要拖我同佢玩，我梗唔睬佢，要行好多樓梯上去，佢一上癮要玩十幾次我就大件事，就同佢去玩另一條bb滑梯都好happy玩咗成十次都有，佢一sir落去沉曬落水，我重等多五秒至"的"佢起身，因為上次佢跌落水起身重笑，我想再試下佢，今次佢都剩係話水入眼唔舒服，冇提過鼻入水，我估佢識水中閉氣。
我部儍瓜機影郁動小孩慢五秒，都影到鈞澄笑，好開心！
兩位小朋友都好乖，當兩個媽咪坐係按摩池傾好耐計，佢哋都靜靜坐住玩水陪我哋呢！
澄澄個水泡防曬o架好有型，恩祈係o甘倒水入水泡入面，兩個都玩到忘形。
兒童池都o甘大，個大人池就重勁啦，仿沙灘池內重有大按摩池同兩個bb池，我估佢應該係全港最大嘅會所泳池，而且暑假都冇乜人，救生員多過泳客......恩祈唔小心跌到被啲假沙石擦親膝頭，就立即有好幾個救生員來護理，不過一話到痛就唔好游水時，恩祈就話唔痛啦即刻衝入水中。
沒有留言:
張貼留言