牛年伊始

恭喜發財！牛年人人行好運發大財，先睇吓恩祈的賀年祝福。

2009.01.26 (年初一)    牛年的大年初一，一早都係同婆婆講啲吉利說話，拜吓公公，飲吓紅棗茶同煎糕食，跟住舅父來拜年派利是，我問恩祈有利是錢想買乜嘢，我以為梗係Belle裙，點知佢答我：想買食物。我以為聽錯佢又講多次，真可愛的大食王。

恩祈見人就講：恭喜發財！

我個利是袋靚唔靚？

利是袋裝唔晒仲有小手袋裝利是

我哋去咗機場飲茶，daddy的機場同事派咗好多利是比我呀！

2009.01.27 (年初二)    今日去大伯屋企拜年，東文伯伯又送咗呢隻烏龜+兔仔玩具比我，好得意識唱歌跳舞架。

大伯&大伯娘

最開心係飯後去大伯個會所玩

2009.01.28 (年初三)    我哋個屋苑今日有舞獅同團拜呀，我換咗件新外套。

我哋都係第一次o甘近睇舞獅，好精采！恩祈仲爭住摸同比利是隻獅獅呢！

個財神以前係屋苑管理處同事，睇完玩完後婆婆帶我哋入管理辦事處，有燒肉雞蛋糕食，食到飽飽呀！