鼠年拜拜！

(2009.01.25)

年廿八，每年都去同三舅父食團年飯，舅母又煮好多美味餸菜。

出發去食團年飯咯！

年廿九，屋企下面個廣場，有個領匯搞的賀年節目"新春喜慶賀福牛"，嘉賓係08新人王William陳偉霆，恩祈問我佢係咩嘢哥哥，我都係今日至識佢咋！

算唔算同William合照呢？

另一款合照。

年三十晚，恩祈幫手整糖果盒，我同佢講個全盒啲糖係睇架，係比客人食，我仲叫佢睇實唔好比爸爸偷食......有任務在身佢好乖，我叫佢唱首ABC Song比咗半粒朱古力作獎勵，不過要有想像力的聰明人至聽得明佢唱咩嘢。