自然退燒

2010.04.21

昨晚六點發現恩祈臉有點發熱，一探熱原來已有38度，佢已經年半冇發過燒，病就更加唔知冇試過幾耐。見佢仍玩得食得，冇理佢比佢燒多陣，到九點左右明顯攰咗好多，體溫升至38.2度，我決定大膽地唔比退燒水同用藥物，嘗試用熱水療法令佢加速散熱降溫(參考：同發燒做個好朋友)，之前Jason弟弟試過都得。要恩祈躺下用熱水浸全身，初時佢話好熱，過一陣就話真係好舒服唔願起身，頭臉就用退熱貼加凍毛巾，佢話係冰火二重奏(sorry,又係我教佢的用詞)，約七、八分鐘抹乾身就瞓覺.......發燒當然好唔舒服，輾轉反側地瞓咗兩個鐘後佢要去wee wee,我順道探吓熱，果然奏效，真係下降至37.6度，比佢飲啲水(平時都飲得好少只係飲多咗啲)，佢仲話個身凍要蓋上被，然後就一覺瞓到天光，再check已經完全退燒，又冇病徵，生猛活潑晒，Thank God! 祈望她身體真能比前更好。今日佢當然要請假在家休息同埋同Barbie玩吓啦。