又一城嘅Cova係最多好評的，就食呢間，由晚上六點半至八點三，由於買4 free 1,就叫埋伯伯、伯娘同姑姐一齊食，之前去咗反斗城玩恩祈見到個snow white balloon佢以為好似係麥當奴啲波波可以免費攞，姑姐就立即買咗個送比佢。
未開ball前影啲食物相，每碟都得好少，但係唔需要搶，因為呢度只係得十張枱左右，仲有除咗恩祈係冇細路架。服務好好，但由於似路邊cafe因此環境優美得嚟都好嘈。
咸點都好出色，尤其煙鴨胸同芝士意粉恩祈都好喜歡，不過啲三文魚真係超迷你，五碟至有正常一片。
甜品至係主角，真係好掂！我覺得個綠茶紅荳蛋糕真係好好好味！
仲有芒果cake同Tiramisu都又香又滑又正！
最多人鍾意食同話no.1的bluebeery cheese cake我個人就覺得普通啦，恩祈就最鍾意食下面個朱古力蛋糕，因為係朱古力嘛！
唔好睇我哋第一round就有o甘多嘢，我哋真係清曬架。
恩祈個bb漢堡包幾cutie......佢個食相好奔放呀！
呢啲件庄cake散賣成$28件，2磅cake成$400一個，so$155個buffet就好抵食。
每位仲個別送杯Gelato酒味提子雪糕，又係好香滑好味道，由於有酒味個姐姐仲另外畢啲朱古力雪糕比恩祈，食到佢lam lam 脷......個buffet仲包一杯飲品，佢哋揀鮮搾橙汁同西柚汁，我就當然飲呢度出名的咖啡啦，一杯濃滑的cappuccino就為這餐劃上完美的句號。
食完又去咗page one睇圖書，恩祈仲講故事比姑姐聽，星期六個又一城都冇乜嘢人行，我話"金融海嘯真係慘呀！"恩祈聽到就搭句"金融海嘯真係曳呀！"妙句！番到屋企佢好攰，一刷完牙就話唔駛我陪唔等我啦自己覺覺先。
沒有留言:
張貼留言