水務署春節嘉年華會

2009.02.22    東文伯伯係水務署職員，今日帶我哋去咗呢個"水務署春節嘉年華會"，在窩打老道的華仁書院大草地舉行，好多遊戲節目同有表演，今日好曬周圍行吓先。

啲攤位好多都好有創意，不過太多啦我剩係影咗我覺得最得意的擺設---巨型珍寶珠。恩祈最開心都係拍bubbles.

遇上伯伯同事的囡囡，拖住小妹妹影張相。伯娘買咗遊戲券，啲遊戲係大派禮物嘅，玩唔到都比你玩到中為止，一開始恩祈就有特別大獎啦！

呢啲係玩咗幾個遊戲同禮物券所送的禮物，好似好多，但比起其他大啲叻啲小朋友，就真係小巫見大巫，佢哋啲禮物超大份，比我都唔知點攞點算好。