在東堤泳池游水FUN FUN FUN!

2009.07.31
今日恩祈同Jasmine姐姐去咗東堤灣畔的泳池游水，由於冇bb池恩祈好細膽在池邊行多步都唔多敢，Jasmine就成桶水成桶水向佢照頭淋。不自覺之下恩祈就大膽咗行遠咗，仲情急之下識自己從池邊上水落水，進步咗......不過佢都係話唔想學游水(怕死喎)。

恩祈自從去咗church後講多咗整句的英文，仲係Jasmine面前話自己係鬼妹，笑死真鬼妹姐姐。佢哋追趕潑水真係好多Fun.

游完水之後在clubhouse玩咗一陣又上咗姐姐屋企食包，佢屋企窗口望出去的海和天空好靚(係機場view)，像棉花糖又似羊咩咩的白雲怡人之極。

昨日Jasmine mami借咗啲bible storybook我哋睇，雖然係英文但好easy同吸引，我一口氣講咗50頁故仔(舊約聖經)比恩祈聽，佢好喜歡，但我太攰佢就自己睇得津津有味，看來我哋真係被神召了。