buffet地點係九龍會旗下的Bistro on the Bund.位置好吊腳但就貪佢人少兼有children area.雖然食物款式不是太多但幾乎全是專人即煮好味道兼service好......夠食就得啦。
恩祈清晒啲細粒壽司(佢叫bb壽司)又食咗即整三文魚蝴蝶粉等等。啲刺身就好唔掂啦。
串燒、咖哩牛肉同冬蔭公湯就好入味，辣嘢啱晒我。
買咗副叮噹眼鏡比魚魚，點知佢阿媽(叮噹迷)就好開心攞咗嚟自己帶，真搞笑！
有姐姐派珍寶珠比小朋友，恩祈揸住已經好開心，只可欣賞不可亂食。
仲有氫氣球派比小朋友，恩祈未玩過會昇起的氣球，非常興奮。
Kiddy Buffy係一個專for 小朋友的area.有兒童buffet枱，小朋友可自己取食物，又有朱古力噴泉同爆谷食，仲有drawing table同大電視播放卡通片，有侍應專門服侍小客人。
恩祈整古妹妹，魚魚追極都追唔到個波波個樣好激氣，但無發脾氣真係一個性格大方的乖孩子，如果係其他細路一早喊晒咯。
中場都試咗好多嘢但掛住玩同傾計冇影食物。最後試咗熱辣辣格仔餅同泰式珍多冰刨冰，Movenpick的朱古力雪糕好正(我覺得好食過H記，又係嗰句H記食得太多)。呢度甜品好少款，結果到四點我同Lousia仲每人整番一碗魚片河粉，食量真驚人，到夜晚上床瞓都仲好飽呀！
間餐廳就係屬於呢間apartment式酒店，$138一位都o.k.架。
沒有留言:
張貼留言