秋高氣爽去打Golf

2008.11.17    秋高氣爽晴朗好天氣，最適合到草地打Golf，今日就約埋鈞澄去大顯身手。

先係映灣園椰林閣食個full breakfast就出發去文東路公園，下面幾張相係澄澄daddy Uncle David影嘅。

澄澄見到golf真係愛不惜手......我哋啲裝扮係咪好襯呢！

daddy係毛里裘斯Club med上過一堂golf.所以扮晒嘢做教練。

玩咗個幾鐘好攰要走啦，澄澄流住豆大的眼淚唔肯走呀！

2008.11.23    今日blog友樹梢專程遠道嚟探恩祈，就帶佢行吓海邊吹下海風睇吓靚景，順道俾恩祈又打吓golf.

樹梢仲親自整咗燕麥餅送俾我哋，好有心思同真係好香好好味道(食到last兩塊唔捨得食)，而恩祈對個裝餅的粉紅小盒子最鍾愛，好似小手袋挽住一路打golf一路唔肯放低

樹梢係苗條靚女一名，但唔肯展示真面目......而佢老公就十分喜愛小朋友，同恩祈玩得好開心。

臨走前恩祈見到好多花花要坐低影相，呢個公園真係又舒服又靚。