未齊人前恩祈同Jasmine在附近收集小黃花話要送俾媽媽。
一行十一人浩浩蕩蕩出發啦！事先話行去貝澳，又改去近啲嘅塘福，預算個多小時完成，心想好快到大家都懐住興奮心情向前行......
我哋冇預婆婆去點知出門口又跟住要去，我對老小都好open.你認為得你就去啦，點知......
秋高氣爽好舒服，山巒間的風景好優美，氣勢磅礡。其實啲山路都幾險要唔太易行，不過恩祈同婆婆都好叻，頭段個幾鐘都係自己行，仲行得好開心。
來到中段四位小朋友(除咗恩祈外三個都係混血兒)才首次休息，four monkeys eat banana！補充體力。
上山容易落山難！行咗個半鐘至上到山，望到個唔知係咪長沙海灘，心知不妙仲有排行，我哋三婆孫的體力開始下降，係呢個時候，婆婆仲貪方便唔行石級行側邊的草地，啲乾草好滑婆婆跣倒成個瞓低，嚇到Tina好驚，探婆婆脈搏又話好弱，佢先去搵其他隊友番來(Becky已行到好前Tina係專登睇後的)，佢哋係要call直昇機但婆婆唔肯(唔知係咪怕會上新聞)，話自己唔係暈只係差錯腳冇跌親冇事，不過嚇一嚇已冇晒力要扶住落山。
連恩祈都開始冇力行兼落山佢有啲怕，條路又難行咗，佢比Tina老公同Jasmine daddy Steve抱住行(我自己行落去都好驚，我抱住佢實碌落山)，Daddy就扶婆婆，但後來都要改由至高大威猛的Steve至扶到婆婆落山，婆婆話佢好有力簡直就係抱住佢落山好舒服，婆婆好唔好意思而Steve仲要安慰佢，佢話估唔到鬼佬係甘好人架。仲教我以後都要學佢哋盡力去幫其他人。
終於落咗山，呢次行山用咗三個鐘頭！佢哋仲縮短行程改去水口，但就call咗救護車比婆婆希望可以早啲送番我哋去東涌。首先消防車同救護車到，救護員細心為婆婆檢查話無大礙後，就問要唔要去醫院，婆婆耍手擰頭，佢哋話屬於梅窩唔可以越區送去東涌......跟住警車又到(啲小朋友好興奮，見晒三種車)，警察話可以送我哋去塘福搭車，佢哋好好人，話我哋行咗好耐實肚餓車我哋去茶餐廳食啲嘢先，而Becky佢哋就行番落去再搭車去貝澳Tina屋企開餐。
等車期間，婆婆休息而小朋友就興奮地就周圍跑同執樹枝扮bbq,Tina個囡囡看似比恩祈細個，其實係姐姐仲比恩祈大兩個月，佢哋攬住扮friend個樣幾得意！佢哋玩時一個講英文一個講廣東話，我問恩祈妳識唔識聽人講英文架，佢話我識架！哈！
後記：今次行山好難忘又刺激，估唔到恩祈都行到o甘耐好叻。婆婆就猛同Becky話唔好意思，又話要搵機會"報答"Tina.....其實只係小意外，婆婆休息幾日就恢復體力，我哋又低估咗行山難度，不過唔緊要，我哋又plan咗下星期行過易啲嘅山......嘻嘻，真係唔識死架！
沒有留言:
張貼留言