恩祈同一對得意壽星仔女：心心、O仔
個生日會冇奢華的佈置，但真係搞得非常好......十點至十一點租咗aerobic room(即係以前搞playgroup的地方)俾啲小朋友玩，有唱歌、做小手工、集體遊戲、拋汽球(小朋友最鍾意)，仲有storytime,個姐姐講得好有趣生動，後來至知原來係心心的姨姨，我仲以為請番嚟同小朋友玩嘅，因為連本來通場跑又不喜聽故事的恩祈都會自動坐在她身邊好沉醉的聽，真係好掂呀！
十一點後出番會所小食部就開始舉行大食會啦！款式唔多但係份量多又好食(我最鍾意呢啲唔多花款嘢)，恩祈食好多我也食得好飽呀！我問恩祈：心心生日要點呀？(我係想佢講生日快樂)佢居然答：食蛋糕呀！真係童言無忌，有意思有意思。
O仔比心心仲要babyface得多
除咗生日蛋糕外，仲有鹵水雞翼、鹵水蛋、三文治、意粉、新鮮生果同果汁、豆漿，睇吓恩祈幾開心，好耐心的坐定定等食呢！
心心：恩祈乜妳o甘食得架？
恩祈：係呀，我花名係"大食王"呀！
個個都對O仔嘅Thomas車車禮物好有興趣，佢揸到實唔敢放手呀！
沒有留言:
張貼留言