屋苑在迎月夜搞咗個"中秋喜慶溢東涌嘉年華"，有遊戲攤位、歌唱表演同派餅、抽獎，好熱鬧恩祈四圍跳當然happy......抽獎抽到個飛機燈籠，連埋大伯送的傳統兔仔紙紥燈籠和姑姐送的Hello Kitty燈籠，今年恩祈一下子擁有三個燈籠呢！
恩祈問：飛機入面有冇人食緊飛機餐？最近佢對飛機餐好有興趣
2008.09.14 中秋節
今日的節目都好豐富，中午媽咪的小學同學(三十年的兒時好友！) Jo Jo姨姨來東涌請我哋在聯邦皇宮飲茶，一向做事好serious又要求高的她都讚恩祈食嘢好叻呢(又快又多又整潔)！回家小睡一回又到茘景三舅父家中食飯，舅母又整咗好多魚蝦蟹美味餸菜同靚湯，食到兩位大小"大食王"好飽呀！回家後又落樓下公園賞月玩燈籠~~
抬頭就望到又大又圓的月亮(東涌的夜空有時連星星都望到)，告訴恩祈個月亮會跟住佢行，佢真係一路跑一路望住話月亮叔叔跟住恩祈呀！
似乎恩祈鍾意玩螢光棒多過燈籠，看daddy幫她用螢光棒做咗條彩色腰帶呢！
沒有留言:
張貼留言