2010.08.19 今朝恩祈啲燒退得七七八八，有少少流鼻水同咳，昨天睇醫生話只係普通傷風，不過好容易會有惡菌乘體虛入侵，因此都要好小心同不可出街。而Yennie快要飛去英國，明天會先陪老公搬去港島，因此今早約咗班映灣朋友食早餐，我就暫時放低恩祈去搵佢，食完早餐後上去佢屋企，好多嘢但又好似未執過咁，一個女人要做咁多嘢又要湊住三個好辛苦我都好心痛，我只係幫佢搬咗個大廚房同少量玩具番我屋企寄存，呢一年恩祈可以玩住先，佢屋企淨係大件玩具都有好多，其他住附近的朋友都幫佢攞走晒又幫佢執嘢，我因為要趕番去照顧恩祈都冇時間幫佢手。我擁抱佢一下同祝福佢後就走咗，雖然識咗冇耐，但佢個人好真好爽朗，我好唔捨得佢，更加唔捨得可愛的舒韻(今日抱咗好耐唔捨得放手，下次見佢已經識行啦)。
下面呢件玩具唔係寄存，係用20蚊買斷佢送比恩祈。
仲幫襯佢買咗兩個頭箍，其中一個仲可拆出來做頭夾，好靚好高貴呀！
沒有留言:
張貼留言