第一次幫教會做導師

2010.08.29    Today is my first time to be the teacher in Children's Church. I'm so nervous!
今日pre-schoolers都好多人，有十幾個小朋友，但有部份係我唔識仲要係鬼仔鬼妹，我做咗introduction後，佢哋坐唔定，我開始好驚，唔好話講英文，連中文都驚到唔識講，好在今日係Video Sunday.我即刻play video'Noah's Ark'.佢哋就立即坐定定睇卡通片，睇咗半個鐘我知應該要停吓講故事，但又唔敢，點知外面一話準備好食嘢(今日係b'day party)，都未叫得切小朋友排隊洗手，就有個婆婆(唔係我媽咪)打開咗大門，佢哋就想衝出去，恩祈仲係第一個跑出去想洗手........我其實真係做唔嚟，一來對住班英文人個心已經好劣，除咗小朋友，後面仲有班工人姐姐或家長睇住，最慘係唔知點控制啲場面，哎吔！其他teachers唔係資深空姐就係英文教師，我只係個唔識英文嘅過氣領隊，而家就係個C9.我唔係唔想幫神做事，但我都應付唔嚟，又未training過就夾硬上，都唔知點同Teacher Cass交待想唔做，而Teacher Jane好好人，佢話我做得好好(唔係話？)，下次可以大聲啲同埋要祈禱先(我唔記得點用英文祈禱喎).....我可以幫吓手take care小朋友(最多唔同其他媽咪傾計)，但係再面對佢哋講嘢我真係會暈！
不過驚之餘我仲有心情同班pre-schoolers影相！(最右邊嗰個係恩祈)

******************************************************************

講番我寶貝女Yankie.自從在澳洲番來時發高燒同病咗好耐，但又係燒一次就醒一次，好似聰明咗好多，又善解人意咗好多，而且又轉咗愛好，突然話好鍾意阿拉丁個Princess Jasmine.仲成日唱'A whole new world'見佢咁乖，就專登去又一城間Toy'R'us買個細公仔比佢，開心到佢即場跳舞比我睇，仲應承開學後會比心機去學習呢！