小學生活體驗日+0605 bb gathering @Ruby Tuesday

2010.01.09(sat)    今日恩祈節目好豐富，早上十點半去到逸東的黃楚標學校，有小學生活體驗日，又係有英文同普通話小一課堂示範然後參觀學校，教學方面唔錯，但係間校舍明明算係千禧年校舍，裡面啲嘢卻殘舊過97年開的富東兩間小學好多，尤其圖書館好細書又亂玩具室啲玩具都舊到唔敢掂.....即係代表資源不足，玩吓算啦唔駛考慮。

跟住又出沙田，Devilman約埋班BK0605 媽媽在Ruby Tuesday聚會。

我哋掛住傾計，恩祈卻自己在畫紙上填色，佢平時最討厭填色只係求其亂畫兩筆，但今次我冇睇住佢佢居然油得好靚，佢真係第一次肯用心畫晒，啲用色仲好好，尤其個漢堡包我仲以為唔係佢畫係印上去。

開餐啦！我哋十幾人坐在一角落的長枱，都幾private.我好似都係第一次食呢度啲嘢，好好味尤其個 spare ribs同薯蓉，不過我估我唔會自己嚟食，因為打開個menu啲食物樣樣都百幾二百幾三百幾好貴仲要係冇set.如果人少嚟咪仲襟計。

班0605bb(而家係小朋友至真但叫慣咗0605bb)一食飽就活動。其中活潑的康翹最鍾意扮跌低再起身，恩祈有樣學樣玩到顛晒。

呢兩張係devilman部大機影嘅！

其中四位小朋友，到而家三歲幾原來要影張正經合照都依然係好難，影咗十幾張就只有呢張係好彩影到咋 。從這張相看來，小魚最成熟而Hugo最bb.其實係相反，Hugo係最大而小魚相差成個月最小呢！

Carlsson好型而小魚舞姿可愛

兩男一女係嬲字，兩女一男呢？三個小孩迫坐一個位至好玩。

玩到四點幾至移師到Snoopy Town再繼續，不過好多人我冇影相啦(十日前至嚟過真係多人同冇人相差好遠呀！)恩祈同Hugo在汽水機前扮賣果汁好忙，我就同Hugo mami坐低傾計，差唔多六點至番屋企食火煱。