行矮山吹bubbles放風箏

2010.01.16    今日大太陽天加上暖番啲，就決定爬過屋企對面個矮山去逸東食飯......先走過去海旁吹吓bubbles熱吓身先，恩祈背後仲有360纜車做背景呢。行幾步就有山又有海，東涌真係good!

唔駛十分鐘就步行上到座矮山山頂，可惜無咩風放唔起隻風箏，只係飄吓飄吓。

玩一陣落番山，食完晏後仲同恩祈去圖書館睇咗好多圖書，真係健康又有益的活動。