親子同樂一天遊

2008.09.21    三婆孫參加咗個"親子同樂一天遊"，雖然冇乜嘢玩，但係好平(大人$75,bb$50)而且又唔係去啲熱門景點，唔駛迫又係東涌出發都幾舒服，我就好悶但佢哋兩個開心就得啦！

警隊博物館內唔准影相，只係偷影咗一張同在門口影支炮

有一定年紀的人都會記得以前香港馬路有的交通指揮亭

早上去咗在港島山頂的警隊博物館，恩祈有啲怕唔鍾意，好快出咗嚟，好在下面就係甘道遊樂場，佢就玩得好開心。中午去銅鑼灣食紀律部隊自助餐，由於在警察會所內都唔會好多人，食物普通但任食又多甜品，恩祈梗係開懐大食，食完仲係個度放低好多両金，就知佢有幾飽！

都係遊樂場至好玩！

之後去咗上環海味街，又係婆婆入貨良機。最後去拜文武廟，恩祈自己拜拜話：恩祈聰明伶俐！跟住就行程完畢，仲收咗兩支頭抽禮物，番回東涌啦。