恩祈媽咪Blog: 9月 2013

2013年9月30日星期一

正式學游水

東涌新開的泳池.....恩祈第一次習泳，十分投入兼喜愛游水。

2011.04.22 游泳班第一堂，先來熱熱身！

終於落水了，初級內容是：熟習水性、學習漂浮、呼吸換氣、學習自由泳。

有四位教練，大約13位小孩，教得好落力冇停過。

學踢水：

同是0605bb的Anson哥哥.......仲有個泳池係對住360纜車，好特別的靚view.

最後多謝Anson mami Yuki 介紹的免費泳班(四堂).....已經報名繼續學落去。

跆拳道升級黃帶

恩祈跆拳道升級黃帶了！

由初頭練得好辛苦到現在習慣咗愛上跆拳道(仲學人追劇睇"女拳")。初時教練只話佢"進步中"到現在話佢係全部學員中最專心同跟到做的一個，半年間有少少學有所成的感覺。跆拳道真係鍛鍊出意志同堅毅性格，亦令佢身體柔軟度增加。

其實佢係一個多月前(2011年3月13日)已考咗升級試，不過先幾日至有黃帶到手。

當日有好幾百人去總會考試，由初級到考黑帶都有。

最開頭的練習都有比家長睇，正式考試就要清場。

恩祈剛巧排在第一行最前頭，可以拍到少少video.

設計活動之舊衣大變身

低班設計活動主題：衣服，已經進行四週，今日最後一日.......

邀請家長回校一起：舊衣大變身！下面就是恩祈設計師的設計圖。

恩祈做咗學校海報的主角之一，笑得多燦爛！一定是上學很愉快。

在課室內又發現恩祈的作品，仲有頸鍊、手鍊、手袋等配飾，好仔細。

列老師講述完整個活動週的流程和相片分享學習過程後，大家便動工把帶來的舊衣大變身了，學生在完成後更穿上新裝，恩祈件衫同原本的設計圖都有啲相似喎！

真係幾好的親子活動，對課程了解多啲，小孩對衣服的製造也親身感受到，亦可學習到環保的慨念。

呢排同周宜臻好friend，譚子清唔知去咗邊咯！以前佢哋成日都爭住攬子清的，變心得幾快！

兩女孩總有傾不完的話，聽落多是圍繞住公主與城堡呢。

2011.04.11
由於現在逢星期一晚學琴，因此無再參加學校的創意畫班。Miss Helen也說同一種類的興趣班只需參加一個就可以，學校畫班的畫雖然明顯靚好多(最上面五幅)，但個個學生都像是臨摹畫的都一樣，現在四歲階段應以自由創作甚至天馬行空培養想像力最好，因此我選了只參加聖公會的圖畫班(最後三幅)，張老師只照顧幾個學生，又會用畫畫提材教埋英文單字，恩祈仲話老師識日文同法文，上次就教佢法文的糖果係Bon Bon,而Hello係'he'唔係用'ha'發音，有時我仲見到啲小朋友一路畫畫佢就一路吹口琴伴奏，可能係想提高佢哋嘅藝術氣質，總之恩祈就學得好開心。

學咗個幾月琴，在唔多肯練習下終於彈到啲簡單兒歌。初時佢唔肯練琴，有時求其又發夢，又要催又要請搞到我喊打喊殺。絕對地破壞母女感情。佢唔鍾意練淨係鍾意彈，好多時都甩甩漏漏。都唔知可唔可以繼續落去...... 佢識唱的兒歌就好快上手，不過佢唔鐘意手指練習嗰啲話好悶喎。Miss JoJo教得佢好好，係我冇耐性，迫佢練嚇親佢。我而家都睇開咗，由得佢，反而佢就用心咗，希望情況會繼續改善。

第二周練琴有進步獎賞睇3D魔髮奇緣

恩祈上完第一堂鋼琴課後，第一周練琴真係激到暈 ><
好唔專心又成日問彈完未，同埋彈錯key又唔比我教......其實咁細個都係正常嘅。
我認真同佢講：學彈琴的話一定要專心，一定要勤練，學音樂一定要用個心去聆聽每一個音符，不是但求跟琴譜按下琴鍵就算，只要肯用個心去聽就算閉上眼睛都識彈番邊個音。
做唔到以上幾點就唔駛學啦....
跟住第二周明顯用心咗同跟到啲key連拍子都有啲，雖然第二堂只學左右手各三、四個音同埋Miss Jo Jo話唔駛學拍子住只要學好手勢先，但我希望佢由開始就認真去學同珍惜可以學琴的機會。
佢而家每日都會自動練琴大約三至四十分鐘，唔駛我睇住(當然我有間中偷睇同聽住有彈錯同佢會講番)，算令我暫時放心。