三歲半唸三字經同唐詩

2009.12.09
個多月前買的三字經同唐詩，恩祈已經啷啷上口，佢對古代的故事同人物都非常有興趣，而且內容以重孝道同待人謙遜為先，我哋就更勤加研究啦。
下面個video係佢背"三字經"中的三段："玉不琢"、"人之初"同"養不教"，雖然佢咬字方面仍未算清晰(玉不琢變咗玉不腳^^)，但以佢三歲半之齡能熟知其內容解釋及肯勇於面對鏡頭而不怯，對佢來講進步很多，我已好安慰了

   而家我仲教緊佢"首孝弟"呢！而"唐詩"方面就熟背"靜夜思"同"春曉"，另外學習中有"憫農詩"、"詠鵝"、"相思"、"遊子吟".......唐詩的意境更佳，連恩祈都話：唐詩好叻呀！