English Playgroup

2007.11.01 (thur)    恩祈今個月開始，逢星期二同四都要上playgroup，地點在映灣園會所的Aerobic room，我們一班有8個1-2歲(14-21個月)的bb，我覺得一個導師帶8個bb好似太多，但係搞手心心媽咪話有時啲bb唔舒服會少啲人，今日第一堂果然就有3個缺席，而導師費每堂200元，租場費50元，除開今個月番9堂即係每人$280，每堂只係$31，之後仲可以在超豪會所玩，勁抵玩呀！
第一堂都係做吓熱身運動，話有助嬰兒的五官、手腳的感官發展，重教我哋同bb要多啲eye contact有助集中力，我都要同恩祈做多啲practice先。
個導師叫Michelle係鬼婆嚟，有幼兒教育的經驗，我都認為西人對小孩較有愛心和耐性，不過恩祈見佢講英文好頭痕，明顯係唔識聽，尤其Michelle問eye、nose係邊，佢顯得一臉茫然。她才剛懂得眼耳口鼻的中文，如果我又教英文唔知佢會唔會亂呢？我都好頭痕呀！

映灣園個仿加勒比沙灘的巨型泳池啊！