正式學鋼琴 (4歲8個月)

2011.02.11  恩祈昨晚第一次上鋼琴堂，雖然好夜去學(2115-2145pm)但都好興奮好想學，係跟番半年前幼兒鋼琴音樂班的Miss Jo Jo學，半年後佢都記得啲音符同拍子，仲可以用番十幾二十年前我學過的琴書呢。不過佢咁細個，見佢仲係跳住入琴房，我只想佢玩得開心，冇興趣就會即刻停，隨佢鍾意啦。
而為咗保持健康同體態，我今朝都上咗第一堂瑜珈班，果然好辛苦對腳好攰，但恩祈用咗我安慰佢番跆拳道話辛苦的一句：唔緊要，遲啲妳慣咗就唔辛苦架啦！:)
希望我哋大家都咁努力、堅持同有毅力，能見到成果。